شكلي بالإغراء تصريحات قادت فريدة سيف النصر لتصدر التريند
قالت الفنانة فريدة سيف النصر، خلال لقاء تليفزيوني، إنها ليست ممثلة إغراء ولم تقدم مشاهد بها قبلات أو غيرها، وأنها لم تخضع لأي عمليات تجميل، وأن شكلها وهيئتها توحي للإغراء، ولكنها لم تقدم مشاهد بها أي إغراء خلال مشوارها الفني.
"زواجي من رجل متزوج سبب مشاكل"
قالت فريدة سيف النصر إنها مرت بالعديد من الأزمات فى مشوارها الفني بسبب زواجها من رجل متزوج، لذلك نصحت السيدات بعدم الزواج من رجل متزوج، وذلك خلال فقرة إيحابي ولا سلبي.
"فريدة تُعرّف نفسها"
نشرت من قبل على صفحتها الشخصية قائلة: "أنا اسمي فريدة جلال سيف النصر علي اسم جدتي، أنا اتولدت في مستشفى العجوزة، أنا مدرستي ابتدائي النهضة الخاصة، إعدادي ثانوي القومية، كلهم في العجوزة، بعد كده فنون جميلة الزمالك، كان سابقني كل من حسين الإمام معالي زايد صلاح عناني وكتير أنا دخلت إعدادي وهما آخر سنة".
"دي عجزت ودي كرمشت ودي غيرت دينها".. فريدة سيف النصر تعلن غضبها من تعليقات الجمهور
كتبت عبر حسابها الرسمي بموقع فيسبوك: "أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟ ليه بنستخبى ورا شاشات وننزل نحر رقاب بعض".
وتابعت: "الكلمة القاسية بتذبح بقينا نكديين مانعرفش نفرق بين جد وهزار كله عايز يتخانق مع كله، إيه ده؟ وكل يوم يعاملوك بوش أو حسب المصلحة".
وأضافت: "في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفاية".
واستكملت: "مالكم في إيه بجد هما الناس دي ماأسعدتكمش أعمالهم فترات من الزمن، طيب بلاش إنت مابتحبيش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت أربعتاشر مليون.. متخيلين".
وتابعت: "كل المهن شغالة معانا تحت إيديهم كام عامل وأسطى كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم".
واختتمت حديثها قائلة: "اقروا كدة المسلسل ببكتب ناس قد إيه عماله في العمل شوفوا وقولولي، كفاية هدد في الفن، الوحش انقدوه بأدب والكويس شجعوه، إنما تهزئوا فنانين كبار ليه يعني، على فكرة أنا عارفة إنها لجان مستهدفة الفن المصري والفن عموما ما هو العربي بيصب هنا، هاه قرروا إيه، هانشتم من ورا الشاشة ولا هنقول كلام نصح حلو يا باشا".
تصدرت الفنانة فريدة سيف النصر التريندات مؤخراً على مدار الساعات الماضية، وذلك على خلفية بوست كتبته من خلال حسابها الرسمى على موقع فيس بوك، عبرت فيه عن استيائها الشديد من قبل الكثيرين ممن يهاجموا الفنانين بدون أى سبب إلا عجز البعض أو التنمر على آخرين بطرق أخرى.
فريدة سيف النصر تعبر عن غضبها من رواد السوشيال ميديا لهذا السبب
“إيه اللي حصل؟، ليه بنستخبي ورا شاشات وننزل نحر رقاب بعض، الكلمة القاسية بتذبح، بقينا نكديين منعرفش نفرق بين جد وهزار، كله عايز يتخانق مع كله.. إيه ده، كل يوم يعاملوك بوش أو حسب المصلحة".
وأضافت فريدة سيف النصر: "فى إيه بعض الناس ماسكين الفنانين وكأن فى تار بلا أسباب، دى عجزت ودى كرمشت ودى غيرت دينها، وده دمه تقيل وده كبر في السن لكن بيغنى، وده بيرقص، وده اتكسح ودى روحى موتى كفاية.. مالكم فى إيه بجد.. هما الناس دى ما أسعدتكمش أعمالهم فترات من الزمن؟، طيب بلاش أنت مابتحبيش فلان غيرك بيحبه".
ثم استكملت فريدة سيف النصر "في إيه يا جماعة تحسوا مخطط لهدم الفنانين القوى الناعمة، اللى فاتحين بيوت 14 مليون متخيلين، كل المهن شغالة معانا تحت أيديهم كام عامل، وأسطى كل واحد فيهم عنده أهل وزوجه، وأطفال، وفى اللى جوز ولاده وعندهم بيوت مفتوحة، بتحاربوا تمن عدد البلد فى أكل عيشهم، اقرأوا كده المسلسل بيكتب ناس قد إيه عِمالة فى العمل".
