-جارتي كل يوم بعد الفجر كانت بتخرج من ورا البيت ولابسه طرحه مداريه بيها وشها..جالي فضول اعرف بتروح فين خصوصًا ان الموضوع اتكرر كتير وبالفعل بعد ما راقبتها اسبوع روحت وراها وكنت خايفه تكشفني..
مشيت وراها لحد مادخلت في طرق مختلفه وتوهت منها ومعرفتش اوصلها كأنها هوا واختفى. لحد ما رجعت البيت وانا محبطه ان انا معرفتش اوصلها.. بس ميأستش وفضلت مستنياها من شباك الأوضه لحد مارجعت قبل آذان الضهر،
كان في ايديها كيس اسود مش باينله ملامح، وقبل ماتدخل بيتها فضلت تبص يمين وشمال كأنها خايفه حد يشوفها! لحد مادخلت وقفلت وراها..روحت نازله بسرعه وخبطت عليها!..اتأخرت شويه لحد مافتحتلي ولما فتحت كان في دخان خارج من أوضتها..سألتها ايه ده!قالتلي انها بتبخر البيت..
بس كل الكلام ده مدخلش دماغي وكنت حاسه ان في حاجه مش مظبوطه..سلمت عليها ومشيت ورجعت بيتي وتاني يوم كنت لابسه هدومي ومستنياها تخرج من البيت بس اليوم ده مخرجتش!!
رغم انها كل يوم بتخرج في نفس الميعاد! شكيت في أمرها وفضلت مصممه اعرف ايه اللي وراها!..لحد مالقيت باب بيتي بيخبط، نزلت افتح لقيتها واقفه ولابسه عبايه سوده ومبتسمه..بتقولي انها رايحه مشوار وعايزه حد يقعد بـ ابنها علشان متسيبوش لواحده!..
رغم انها كل يوم بتخرج وبتسيبه لواحده ايه الجديد يعني!.. حاولت اتهرب منها معرفتش..وقولتلها حجج الدنيا واللي فيها.. مره ان انا مش فاضيه.. مره اصل انا تعبانه…ولكن هى كانت مصممه وبنحاول معايا بكل الطرق لحد ماوافقت وروحت معاها.. وأول ماوصلنا قدام باب البيت ابتسمتلي وقالتلي آخد بالي من ابنها لحد ماترجع من مشوارها.. قولتلها حاضر ابنك في عينيا
.jpg)
..وبعد مامشيت أنا دخلت..وقعدت مع ابنها كان طفل صغير عنده ٧ سنين..هادي في نفسه اوي ومش بيتحرك ولا بيتكلم نص كلمه على عكس ولاد جيرانا مش هاديين وأشقيه طول الوقت!..ودي حاجه كانت مطمناني من ناحيته..
لحد ما قالي انه عايز ياكل..وبما ان ده مش بيتي ومينفعش آخد راحتي فيه.. قولتله تعالى عندنا وانا هأكلك..رفض وصمم ان انا لازم أعمله أكل هنا!
..وافقت وقومت دخلت المطبخ أجهز الأكل..فتحت التلاجه وطلعت الأكل أسخنه..وبعد ماخلصت وخرجت انده ملقيتهوش.. فضلت اندهوا ملقيتهوش!..قلبت عليه البيت حته حته!.. برضه مش موجود! قلبي وقع في رجلي وبقيت خايفه من رد فعله مامته لما تعرف!.. خرجت من البيت اسأل الجيران.. وكلهم نفس الاجابه محدش شافه!
طلعت أجري على بيتي واتصلت بـ جارتي مكنتش بترد!..ولما رجعت البيت لقيت ابنها قاعد في مكانه..خدت نفس عميق وارتاحت لما شوفته!.. سألته كنت فين؟
..قالي كنت بلعب مع صحابي وكان بيشاور على أوضة النوم اللي مفيهاش حد!..حاولت اتمالك اعصابي وسألته فين صحابك دول!..
شاور ورايا، لحد ما دقات قلبي زادت ومابقتش قادره ألف وشي وأبص..وجسمي كان مستشعر حد بيقرب مني في الوقت ده.. محستش بـ نفسي غير وانا برا البيت!
..وجيراني بيقولولي انتي كويسه وبيتطمنوا عليا!..مقدرتش ارد وقولتلهم حد فيهم يخلي باله من ابن جارتي لان انا مش هقدر بعد اللي حسيته!
..واحده منهم وافقت واستلمته بدالي وانا رجعت البيت.. وبعد ٣ ساعات جارتي رجعت وأول حاجه عملتها عدت عليا مع انها المفروض عارفه ان انا في بيتها عرفت منين ان انا رجعت بيتي وهى ممعهاش موبايل وسايبه موبايلها في البيت ودي الحاجه اللي انا اكتشفتها مؤخرًا!
..قربت من الباب وفتحته وانا خايفه واتبتسمتلها..لقيتها بتديني هديه وبتقولي دي حاجه بسيطه تقديرًا لـ تعبك مع ابني.. اخدتها منها وشكرتها عليها.. وبعد ما مشيت فتحت الهديه وكانت الصدمه!
بعد مافتحت الهديه اللي جارتي بعتتهالي شوفت صدمة عمري..كانت كلها صوري ومعاها عرايس مليانه دبابيس واقفال ودم!..ومكتوب على صوري مرض ومoت وكره وتعطيل!..محستش بـ نفسي غير وانا عندها وفي ايدي الهديه اللي جابتهالي.. كنت منفعله ومش مصدقه اللي حصل!
..جارتي استغربت اوي مني ومن عصبيتي وسألتني ايه اللي حصل!..قولتلها ده على أساس انك مش عارفه حصل ايه!..طلعت الهديه ورميتها في وشها وانا كلي عصبيه وغضب وبدأت ازعق وادعي عليها!
..بمجرد ماخلصت كلامي لقيت الهديه اتحولت لـ فستان وطرحه..طبعًا انا جالي صدمه في اللحظه دي لان انا متأكده اوي من اللي شوفته في بيتي!.. ازاي اتبدل في لحظه كده!..خدت الهديه منها وبقيت ابص فيها من كل الزوايا وحاولت كتير أكدب عينيا في اللي حصل ده!
.. وبعد ماجارتي سمعت مني الكلمتين دول قطعت علاقتها بيا..وقالتلي خيرًا تعمل شرًا تلقى وان اللي حصل ده مش هيحصل مره تانيه..مشيت من عندها ورجعت البيت..وبما إني متجوزه في بلد أرياف فمنتشر فيها الحاجات دي عن أي مكان تاني..
وكان كل ماحد يسألني في ايه مبردش وكان وشي كله صدمه.. لحد تاني يوم كنت حطيت الموضوع في دماغي أكتر من الأول..واستنيتها لحد ماخرجت من البيت ومشيت وراها..لحد مالقيتها نازله تحت الأرض..وفي الوقت ده كل اللي مخططاله كان باظ..
انا ايه ضمني ان لو نزلت هرجع تاني!..حاولت أشوف المكان اللي نزلت منه ده بيودي على فين!.. لحد ما قابلتني ست معديه..وقفتها وسألتها المكان ده بيودي على فين!..
الست كانت كويسه اول ما سألتها وبمجرد ماسألتها.. وشها كله بقى اسود..عينيها بدل ماكانت نظرتها بريئه اتحولت لـ نظرات شر..وقالتلي متسأليش ومشيت من قدامي..وبدل ماكنت خايفه من جارتي بقيت خايفه من كل حاجه..كنت متردده انزل وراها ولالا خصوصًا بعد اللي الست قالته..
بعدت ووقفت ورا شجره وقبل آذان الضهر كانت خرجت وفي ايديها كيس..لحد مامشيت ورجعت البيت وكل ده وانا براقبها من بعيد وخايفه انها تشوفني..
وبعد ماوصلت البيت ودخلت بيتها سمعت صوت زعيق قوي وكأنها خناقه بين مجموعة من الناس.. مش أرمله عايشه في البيت هى وابنها!..وبما ان بيتي قريب من بيتها..
دخلت بيتي وحاولت اسمع من الحيطه اللي قريبه من شباك بيتها..والغريب ان الخناقه كان كلامها مش مفهوم تمامًا..وبعد عدة محاولات انتهت بالفشل..قعدت على السرير
وشويه ولقيت أهل البلد بيصرخوا وبيقولوا في شيطان خرج في بلدنا..في الوقت ده حسيت بـ حيره مابين إني اصدق اللي حصل واهرب ولا مصدقش الفيلم الهندي ده!..طلعت البلاكونه أبص لقيت جيراني بيجروا بسرعه وكل واحد داخل بيته بيقفل على نفسه..
دخلت جوا وقفلت على نفسي زيهم..كنت فاتحه حته صغيره من الشباك علشان أشوف ايه اللي بيحصل بس مشوفتش حاجه!..وتاني يوم لما الناس خرجت من بيوتها مكنش في سيره على لسانهم غير الشيطان اللي خرج وظهر عندنا..كنت بحاول أفهم خرج ازاي؟
مش المفروض الحاجات دي الانسان مبيشوفهاش!.. ولكن لما سألتهم عرفت ان ده كان دجال في بلدنا عمل مشاكل لـ ناس كتير ودمر حياتهم واتسبب في مoت الكتير من الشباب..والجن كانوا شارطين عليه شروط ووعدهم انه ينفذها ولما منفذهاش..
انتقموا منه بطريقتهم وحولوه لـ شيطان..هو زمان كان انسان بـ طباع شياطين لكن اتحول لـ شيطان حقيقي! لدرجة ان كل قرايبه بعدوا عنه.. منهم اللي سافر واللي هرب واللي م١ت من الصدمه!..كنت بكدبهم وبقولهم ان كل الكلام ده كدب ومبيحصلش!
ومستحيل حاجه زي دي تحصل!.. قالولي انتي حره واحنا عرفناكي اللي فيها!وبعد ما مشيت ورجعت بيتي..سمعت صويت في بيت جارتي! والمره دي كان كلامها مفهوم!..نزلت جري لقيت كل جيرانا عندها وهى لابسه اسود وبتصوت وبتقول ان جوزها م١ت..مع العلم ان جوزها ميت من ٣ سنين!.
قولت لـ جارتي جوزك ايه اللي م١ت!.. هو مش م١ت من ٣ سنين في حادثه..لقيت وشها بدأ يسود والمصيبه هنا ان كل الموجودين وشهم إسود زيها!..
بصوا لـ بعض بـ نظرات مُريبه، وبعدين بصولي!..لقيت ابنها جاي من وراها وفي ايده عضمه ومبتسم ابتسامه مخيفه..خرجت من البيت جري وكنت بنهج من كتر الجري اللي جريته والخوف اللي شوفته!..لحد ما خبطت في راجل عجوز..وقع في الأرض ووطيت اسنده.. لقيته دير وشه ناحيتي وابتسملي وقالي امشي من هنا..
وبمجرد ما قالي امشي كنت مشيت في ساعتها!..ببص حواليا لقيتني عديت بيتي بمسافه كبيره معرفش ليه جريت كل المسافه دي!.. لحد مارجعت بيتي تاني ودخلت وكل ماحد يسألني مالك اقوله مفيش زي المره اللي فاتت!..قفلت على نفسي وبصيت من الشباك وقولت لـ نفسي في حاجه غلط بتحصل ولازم اعرف ايه هى!..
وقررت اليوم ده اهدي اعصابي واحاول انسى شويه اللي حصل وافصل من المود ده.. لحد ما نمت وصحيت على صوت صويت جارتي لـ تاني مره!..
بس المره دي مرضتش انزل أشوف مالها خصوصًا اننا في نص الليل!..طلعت البلاكونه أبص عليها لقيتها واقفه قدام البيت بتحضن جوزها وبتعيط والغريب هنا انها وكل اللي حواليها لابسين اسود كأنهم في عزا..والأغرب ان لقيت حد بيخبط على باب شقتي..
روحت أبص من العين السحريه لقيتها جارتي!.. جارتي اللي واقفه في الشارع ومتحركتش حركه من مكانها!..قررت بيني وبين نفسي ان مش هفتحلها مهما يحصل وكان قراري في الوقت ده ان لازم اشوف شيخ يفهمني ايه اللي بيحصل!..
فضلت تخبط مرضتش عليها لحد ما باب البلاكونه اترزع لواحده! كأن حد هو اللي قفله بـ ايده.. اول حاجه قولتها بسم الله الرحمن الرحيم.. وحطيت ايدي على قلبي وابتديت اقرب بـ بطئ! لحد ماوصلت لـ باب البلاكونه، وأول ما لمسته اتنطرت بعيد وقعت على رجلي..
لدرجة ان انا حسيت انها اتكسرت من شدة القوه!..بقيت اصوت من تعبي ومش قادره اتحرك لحد ماعافرت بكل قوتي وقومت قعدت على الكنبه وطلعت موبايلي أكلم اخويا واحكيله على اللي بيحصل..
لقيت الحيطه بيترسم عليها بـ دم لحد ماتكتبتلي كلمة(بلاش) خوفت اتصل بيه يجراله حاجه بسببي! اتراجعت عن اتصالي بيه وقررت اواجه كل ده لواحدي!
طلعت أجري على الكاسيت أشغل قرآن.. حطيته جنب مني وقريت قرآن ونمت وتاني يوم لقيت واحده من جيراني بتخبط عليا فتحتلها وحكيتلها على اللي حصل..قالتلي انها هى كمان بيحصل معاها كده بس كل ماتيجي تتكلم حاجه تمنعها..
سألتها عن موضوع الش/يطان ده..وقبل ماتتكلم لقيت صوتها اتغير!..جارتي فقدت النطق!.. كانت بتشاورلي بـ ايديها وبتحاول تعرفني اللي حصلها.. خدتها ونزلنا المستشفى.. ولما الدكتور كشف عليها قالنا ان حصلها قطع في الأحبال الصوتيه وانها مش هتقدر تتكلم تاني!..
الخبر نزل عليا زي الصاعقه.. ومن كتر مانا مدايقه من جارتي التانيه قررت اروحلها بـ نفسي واواجهها بكل حاجه!..
خبطت عليها وفتحتلي الباب ورحبت بيها زياده عن كل مره.. ولما دخلت قالتلي انها هتجهزلي عصير.. ولكن انا رفضت وقولتلها ان انا مش جايه اتضايف عندها.. ولااراديًا ظهر مني سؤال معرفش ازاي.. قولتلها انتي ايه علاقتك بالدجال!..
سكتت وبصتلي في صمت.. كانت شويه تبتسم وشويه تكشر لدرجة ان انا مابقتش عارفه هى مبسوطه ولا زعلانه!.. ابتدى صوتي يعلى وقولتلها ايه علاقتك بالدجال!..
سابتني ودخلت الأوضه وقفلت الباب وراها وسابتني لواحدي في الصاله!.. ببص يمين لقيت جوزها قاعد وفي ايده جرنال صحفي..مكنش بيعمل حاجه غير انه بيقراه!..
قربت منه وانا كلي خوف وبصيت في الجرنال اللي كان مكتوب فيه كل الكلام بالدم!..وابتدا جوزها يبصلي بـ بطئ واول مابصلي اختفى من مكانه..
جريت اخبط على جارتي وبقيت ازعق وقولتلها انا من حقي اعرف ايه اللي بيحصل ده..خرجت وقالتلي عايزه تعرفي مش كده! قولتلها اه عايزه اعرف.. قالتله اخرج.. لحد ماخرج!
خرج الشيطان من أوضة جارتي..أول ماشوفته ديرت وشي وصَوَت مقدرتش ابص في وشه من شدة بشاعته اللي مفيش انسان يتحملها!!..
جسمي لااراديًا بدأ يترعش بقوه!!..لحد ما رجعت بـ ضهري وانا بصوت وسامعه صوته البشع!..الصوت اللي لو سمعه الميت هيصحى من تربته!..
لحد مااغم عليا وفقدت الوعي تماماَ..لحد ما صحيت على صوت اهلي كنت باخد نفسي بسرعه وعندي ضيق تنفس شديد!..ماما اول ماشافتني في الحاله دي قالتلهم هاتولها مايه بسرعه!..كنت بنهج وببص حواليا في الاوضه وعينيا مبرقه! ببلع ريقي بصعوبه..
واللي بيكلمني مبردش عليه..قربت ماما مني ولمست ايدي اللى بتترعش..وقالتلهم لازم نوديها لـ دكتور يتابع حالتها..وبعد ماشربت المايه.. شالوني وركبوني العربيه وراحوا بيا على المستشفى.. ندهوا الممرضين لحد ماجم وخدوني جوا.. والدكتور جه وكشف عليا..
والغريبه انه قالهم ان انا سليمه ومفييش أي حاجه!..اهلي وجوزي استغربوا وقالوله ازاي وهى في الحاله دي!..لحد ما الدكتور أكدلهم بالتحاليل والأشعه ان انا سليمه!..
وعلشان مكانوش مصدقين الدكتور.. خدوني لـ دكتور تاني!.. والمصيبه الأكبر هنا انه قال نفس الكلام!..بقى اهلي كلهم بيبصوا لـ بعض ومستغربين!..ورجعت البيت وخدت شوية مسكنات!..
واليوم ده ماما مرضتش تروح وقالت لازم تبات معايا لحد مااكون كويسه!.. نزلوا كلهم وكل واحد رجع بيته.. وماما نامت على الكنبه.. وفي نص الليل صحيت على ألم مميت في ضهري..كأن سكاكين ماشيه على ضهري.. كمية ألم مش طبيعيه..
بدأت أتوَجع لحد ما ماما صحيت على صوتي.. قولتلها شوفي ضهري ماله!.. رفعت الهدوم من على ضهري وكانت الصدمه!..ضهري متشرح بالطول كأن صوابع طويل ماشيه عليه!..الجرح طويل وعميق! محتاج يتخيط!.. بقيت أصرخ بكل ما فيا!.. وماما مش عارفه تتصرف!..
لحد ماطلعت الموبايل واتصلت بـ بقيت أهلي..والمشكله هنا ان جوزي كان دايمًا مسافر علشان شغله واليوم ده جه ورجع الشغل تاني!..وكل ما ماما تتصل تلاقي نور الصاله بيقيد ويطفي!
قالت بسم الله..وقامت من مكانها تبص لحد ما لمحت رجِل طويله معديه في الضلمه.. صوتت ودخلت الأوضه عندي وقفلت الباب بسرعه..وبدأت تتشاهد.. أشهد أن لا إله إلا الله وأن محمدًا رسول الله..
ضربات قلبها زادت بس انا مكنتش عارفه اساعدها لان الالم كان شديد عليا ومحتاجه اللي يساعدني!.. ماما وطيت على الأرض وقعدت بضهرها وهى بتذكر اسم الله..لحد ما لقيت باب الأوضه بيخبط!..
قامت من مكانها وهى مبرقالي ودقات قلبها زايده وبتنهج!.. لحد ماقربت مني وقعدت في انتظار ان اللي بيخبط يدخل!..سمعت صوت جارتي برا بتقولي افتحي متخافيش دي انا.. قولت لـ ماما أوعى تفتحي دي مش جارتي !..فضلت تتشاهد وتذكر اسم الله لحد ما الآذان أذن!..
وقتها كل حاجه اختفت حتى صوت التخبيط وقف!..والصبح اهلي وصلوا وخدوني على المستشفى..الدكتور كشف عليا واتأكد من وجود الجرح..اداني البنج وبدأ يخيط!.. وبعد ماخلص سألهم ايه اللي حصلها؟..ماما قالتله ان وقعت على ضهري في المزرعه فوق أدوات حاده!..
معرفش ليه كدبت ومقالتش الحقيقه!.. ولما رجعنا..دخلتني ارتاح على السرير وقبل ماتخرج سألتها كدبتي ليه؟..قالتلي كدبت في ايه؟..
وبعد مااتكلمنا اتضحلي انها مش فاكره أي حاجه من اللي حصلت! وكل الباقي اتمسح بـ استيكه!..مسكت ايديها وقولتلها تشوفلي شيخ..قالتلي حاضر هشوفلك بس ارتاحي الأول!..
وبعد مادخلت المطبخ وسابتني ارتاح..شوفت جارتي قدامي وهى بتدبح جوزها بـ سكينه! كانت بتضحك وهى بتقتله! وبعد ماخلصت خدت بـ صوابعها من الدم اللي على رقبته!.. وحطيته على رقبتها ورسمت بيه خط!..كنت متبنجه ومش عارفه اتحرك في اللحظه دي..
لحد ماكل ده اختفى كأنه فيلم وخلص!..وشوية وسمعت ماما بتكلم حد في الموبايل وبتقوله يبعتلنا شيخ موثوق النهارده!.. وبعد ماخلصت كلام دخلتلي تطمني ان الشيخ جاي النهارده..قلبي ارتاح وقتها وقولت يمكن كل ده حلم!..وفي أثناء وصول الشيخ لينا جالنا مكالمه انه عمل حادثه وم١ت موته بشعه!
الخبر نزل عليا زي الصاعقه أول ماعرفت ان الشيخ عمل حادثه وم١ت!..فضلت أعيط وماما بتهديني!.. وبعد شويه جالنا خبر انهم لقوا الشيخ مشنوق فوق شجره وميت موته بشعه مش زي ماقالوا انه عمل حادثه!..الشرطه جات في مكان الواقعه وبدأوا يحققوا في الموضوع!..
وانا طول اليوم كانت أعصابي تعبانه جدًا وبعد مرور يومين على نفس الحال كانت ماما لسه قاعده معايا..لحد ما طلبت منها ترجع بيتها وتشوف حياتها اللي وقفت علشاني!..رفضت ولكن انا أصريت!
لحد ما فعلًا خدت هدومها ورجعت البيت وانا فضلت قاعده لواحدي..اتفقت مع جوزي اننا نغير الشقه وناخد في مكان تاني..وافق وجه من السفر وجاب ناس تنقل العفش وفي وسط ما هما بينقلوه.. لقيت جارتي جايه بـ نفسها ومعاها هديه للمره التانيه!
انا بمجرد ماشوفتها جسمي اتلبش وقولت أكيد في مصيبه جايه وراها!..والغريب انها كانت بتتكلم بإحترام مش طبيعي على غير العاده رغم ان طبيعتها مش كده خالص!..وقالتلي ان انا عندي حق أخاف منها بعد اللي حصل..وقربت من ودني وقالتلي هقولك سر بس متقوليش لحد!..قولتلها قولي.. قالتلي انا اللي قتلت الشيخ..
بصيت في وشها لقيته متغير..دي مش ملامحها!.. دي ملامح الشيخ وهو مقتول!..رجعت بضهري وفضلت أصرخ بقوه لحد ما كل اللي حواليا قربوا مني وسندوني وانا لسه بصوت.. قولتلهم ان جارتي قدامي!.. كلهم قالوا مفيش حد طلع!..
وجوزي صمم انه ياخدني لـ دكتور نفسي في اعتقاده ان انا بقيت مريضه نفسيًا!.. ولكن رفضت وقولتلهم محتاجه ارتاح!..وبعد مانقلنا نص الشقه في العربيه وروحت الشقه الجديده اللي كانت في بلد تانيه..أول ماركبوا السرير روحت نايمه عليه..
عيني قفلت 5 دقايق شوفتني وانا في مكان كبير ضلمه كحل!..وفي كلاب سوده بتقرب مني وعاملين حواليا دايره كبيره!..كل ماالف الاقيهم حواليا مش سايبنلي أي مخرج!.. لحد ماجه الدجال من وراهم وفي ايده صليب وكان مبتسملي!وبيقولي اجهزي علشان أمك هتكون في ذمة الله وشاورلي بـ ايده وعمل 5!..صحيت مخضوضه وحاطه ايدي على قلبي..
فضلت أقول بسم الله واقرأ قرآن!..انهارت وصعبت عليا نفسي من كل اللي بيحصلي..وبعد مرور اسبوع من الأحلام المزعجه والخيالات اللي بشوفها طلبت من جوزي اننا نشوف شيخ وبالفعل روحنا!..وكان طول القعده الشيخ موراهوش غير جميله واحده(لا اله الا الله)..
قلقنا من كتر ما قالها وسألناه في ايه؟..قالي آخرك لحد بكرا بالليل وهتموتي!.. جاتلي صدمه وبصيت لـ جوزى بخوف! ولما سأله انت عرفت منين!.. قاله دي شغلتي ودي حاجه متخصكش..مراتك لبسها شيطان.. أعوذ بالله من الشيطان الرجيم..بدأت أصرخ.. وكل ما يقرأ قرآن أصوت اكتر!..
لحد ما ربطوني وكنت منهاره ومحدش قادر عليا!.. كنت أقوى منهم كلهم!.. كان فيا قوه تحرك جبل!..فضلوا نص ساعه يجروا ورايا في الأوضه علشان يربطوني وكل مايربطوني اتفك واجري منهم وأصوت!..ووقتها البلد كلها سمعتني!..
لحد ماهديت وطلب من جوزي شوية طلبات.. وقاله لازم الطلبات دي تتنفذ قبل بكرا بالليل.. مجرد طلوع الليل مراتك هتموت!..سمع كلامه في الحال ومترددش لحظه..وبدأ ينفذ كل اللي الشيخ قاله..وانا كنت قاعده على السرير خايفه من بكرا! خايفه اموت! محدش بيحب المoت!..
وكل ما حد من أهلي يتصل مبردش عليه!..وتاني يوم الصبح سمعت ان ماما اتوفيت!..وقتها محستش بنفسي غير وانا واقفه على حرف البلاكونه بحاول الانتحار!..كلهم جروا يمسكوني وانا بصوت!..جربوا معايا كل حاجه مفيش حاجه نافعه ووسط مانا كنت بعيط لقيت مناخيري منزله دم..بتنزف نزيف شديد مش بيقف!..كنت حاسه اني بحلم!..
لحد مااغم عليا ووقعت في الأرض وودوني المستشفى وكنت عايشه على المحاليل والمهدئات..كنت في دنيا تانيه ومش حاسه ب أي حاجه..لحد ما جوزي راح ألبيت القديم علشان يواجه كل حاجه بنفسه!..وبعد ماقرب من بيت جارتي..سمع صوت همهمه..فضل متردد ومش عارف يتصرف ازاي!..لف من ورا البيت يدور على أي شباك يبص منه!
..بص وشاف اللي عمره ما شافه..الشيطان وجارتي في حضن بعض!..كان الشيطان بيحسس على شعر جارتي!..وهى مش خايفه منه!..جوزي شعر راسه وقف من شدة الرعب وجاتله صدمه نفسيه من بشاعة الشيطان!..رجع بـ ضهره لحد ماوقع على ضهره في حفره..واتضرب ضربه قويه فقد الوعي بيها!
جالي الخبر في الموبايل وانا مصدومه..لحد ماالناس جابته البيت وكان كل جسمه أزرق مكان الضربه اللي خدها.. كان جسمه سخن جدًا وبيترعش!..اهلي جابوله الدكتور ومهما يديله في حقن وخافض للحراره.. مفيش أي تحسن!..لحد ما وديناه لأكبر الدكاتره علشان يتابعوا حالته!..ولما جيراني عرفوا كل اللي حصلنا جم يشوفونا ويتطمنوا علينا ومنه يواسوني على وفاة أمي!..
وأثناء ما كان جيراني عندي.. حسيت ان في واحده منهم عايزه تتكلم بس خايفه او متردده!..قولتلها اتكلمي..بصيت لـ جارتها التانيه وبدأت تتكلم.. قالتلي ان في علاقه كبيره مابين الدجال وجارتي اللي كانت السبب في كل ده.. سألتها عرفتي منين؟..
قالتلي انها شافتهم مع بعض ومقدرتش تستحمل فـ هربت ورجعت بيتها وإن تاني يوم جارتي راحتلها وكانت كل عينيها حمراء وبتطلع ضوء أحمر وشكلها مكنش طبيعي!..و قالت انها هددتها إنها لو قالت لحد على اللي شافته
هتموتها!..وبعد ماخلصت كلامها كنت انا مصدومه!.. جارتي والدجال على علاقه بـ بعض؟ طب واشمعنا انا بالذات اللي حصلي كل ده؟.. سألت جارتي اشمعنا انا اللي حصلي ده كله!..قالتلي وهى بتترعش.. ان جارتي اللي على علاقه بالدجال.. انها بتكرهني وبتغير مني من سنين وكل ده بسبب انها كانت حاطه عينيها على جوزي ولما مطالتهوش قالت تنتقم مني وتوريني العذاب ألوان!..وهى فعلًا من حوالي ٣ سنين كانت بتحاول تكلم جوزي بس هو صدها!..
ووقتها قولنا ان خلاص الموضوع انتهى واتقفل!..لكن بالنسبالها هى مكنش اتقفل!..وبعدها جه في دماغي سؤال تاني!.. طب هى أذتني لانها كانت حاطه جوزي في دماغها وعايزه تاخده مني!.. ايه علاقتها بالدجال؟ وايه اللي حصل للدجال ده اصلًا علشاني يتحول لـ شيطان بشع!..اتكلمت جارتي وقالتلي بما إن انا اتكلمت فـ هتكلم في كل حاجه بس اوعي تتكلمي معاها انتي مشوفتنيش!.. قولتلها انا مش بس مشوفتكيش انا معرفكيش بس اتكلمي!
..قالتلي ان من سنين كانت جارتي رايحه للدجال قبل مايتحول لـ شيطان..لانها ليها في الأعمال السفليه، كانت رايحاله علشان تنتقم من جوزها بعد ماعرفت انه بيخونها مع واحده قريبتها.. فكانت مقرره انها تنتقم منهم هما الاتنين!.. وعلشان الدجال طلب منها طلبات كتير!..مكنتش قادره تعمل ده كله في نفس اليوم وده اللي خلاها تروحله مرارًا وتكرارًا..وأثناء ما
كانت بتروحله طلب منها قربان بـ حاجات مقدرش أقولهالك..ونشئت بينهم علاقه غراميه..وبعد ماالدجال ضحك على الجن ومنفذش طلباتهم عملوله سحر تخييل وانه يكون في نظر كل الناس شيطان!..وأول واحده عرفت بالموضوع ده هى جارتك اللي ليها علاقه بالدجال..
وعلشان تساعده كانوا طالبين منها طلبات وده اللي كان مخليها كل يوم تخرج من بيتها وتروح تساعده!.. وفي أثناء ماهي بتحكي كان في سؤال بيدور في راسي.. وهو انها عرفت كل الكلام ده منين؟.. قولتلها انتي عرفتي كل ده ازاي؟..
بصتلي بخوف وكانت متردده تتكلم لحد ما كملت!..وقالتلي ان هى وجارتي كل اسرارهم مع بعض واللي خلاها تكشف سرها!..انها كانت واعداها تديها اللي فيه النصيب بالنص ولما خليت بيها وموفتش بوعدها..كان لازم تتكلم وتكشفها!..بصيت لـ جارتي بكل ثقه وقولتلها خدي بالك من نفسك وكنت عارفه ان بعد اللي هى قالته ده ملهاش يوم زياده في الدنيا!
.. مشوا جيراني من هنا..وقولت لأخويا يجيب شيخ جديد..قالي حاضر لانه كان نفسه يساعدني بعد كل اللي حصلنا ده!..راح وجاب الشيخ الجديد قبل نهاية اليوم..ولما جه حكيتله على كل حاجه.. وقالي ان الشيخ اللي روحتله قبله ده مكنش شيخ.. ده كان الشيطااان!!!!!…
وضحك عليكوا وفهمكوا انك آخرك اليوم ده وهتموتي! علشان يجيلك جنون من كتر ال تفكير والخوف وبكده يكونوا وصلوا للي هما عايزينه..وابتدا يطلع كتاب ربنا.. وكل ده وانا لسه مصدومه..وقالي بصي بإذن الله انا ربنا حطني في طريقكم علشان اساعدكم وهقدر بمشيئه الله إن انا اساعدكم..
وبدأ في قراءة القرآن لحد ماالحاله رجعتلي مره تانيه! وكلهم كانوا بيحاولوا يسيطروا عليا مش قادرين!.. وبعد ساعه ونص كاملين من قراءة القرآن حسيت حاجه بتخرج من جسمي! وخصوصًا أطرافي!..حسيت بـ راحه نفسيه عمري ما حسيتها.. حسيت كأني اتولدت من جديد!..ومش انا وبس اللي بقيت
كويسه!..لأ جوزي بقى كويس وخف من اللي حصله وقت ماشاف جارتي والدجال!..شويه ولقيت أمي داخله!.. اتملكتني الصدمه والخوف وبقيت اعيط!..لقيت الشيخ بيطمني وبيقولي والدتك مماتتش..كل اللي حصلك ده كان سحر تخييل وجنون علشان تتجنني وتفقدي عقلك ويتهيئلك بحاجات محصلتش!.. اترميت في حضنها وبقيت اعيط!..
مكنتش مصدقه انها عايشه وكل ده كان مش حقيقي!.. ولما هديت من عياطي حكولي ان انا كنت نايمه وعندي هلاوس كنت بكلم نفسي وبصوت.. حتى لما وقفت فوق سور البلاكونه علشان انتحر كنت نايمه وقتها! وكلهم كانوا بيحاولوا يفوقوني!..وشويه وجالي مكالمه ان الدجال دبح جارتي وهرب والدنيا كلها كانت ملمومه قدام بيتها والشرطه جات!..
مكنتش مصدقه انها عايشه وكل ده كان مش حقيقي!.. ولما هديت من عياطي حكولي ان انا كنت نايمه وعندي هلاوس كنت بكلم نفسي وبصوت.. حتى لما وقفت فوق سور البلاكونه علشان انتحر كنت نايمه وقتها! وكلهم كانوا بيحاولوا يفوقوني!..وشويه وجالي مكالمه ان الدجال دبح جارتي وهرب والدنيا كلها كانت ملمومه قدام بيتها والشرطه جات!..